Военно-патриотическое воспитание

14 кастрычніка для вучняў 6-7 класаў была арганізавана сустрэча з навучэнкай Мінскага абласнога кадэцкага вучылішча Анастасіяй Зінкевіч. Анастасія расказала пра ўмовы паступлення ў вышэй названую навучальную ўстанову пасля заканчэння 7 класа, рэжым дня кадэтаў ад пад’ёму да адбою, іх вучобу і быт. Не засталіся па-за ўвагай і пытанні да суразмоўцы: пра мабільныя тэлефоны, заняткі спортам, звальненні ў выхадны дзень у горад ці да бацькоў, канікулы і г.д.

У госці да ваенных інжынераў

27 верасня вучні 9 – 11 класаў здзейснілі экскурсійную паездку на 1371 інжынерную базу, якая размяшчаецца ў в. Краснае. Намеснік камандзіра вайсковай часці па ідэалогіі падпалкоўнік Вольга Краўчанка пазнаёміла рабят з прафесіяй ваеннага інжынера, гісторыяй воінскай часці. Падчас экскурсіі вучні наведалі рамонтныя цэхі, дзе рамантуецца ваенная тэхніка, прымералі на сябе ваенную амуніцыю. Вялікае ўражанне на будучых абаронцаў Айчыны аказала сучасная стралковая зброя, якую рабяты змаглі не толькі паглядзець, але і паўдзельнічаць у няпоўнай разборцы і зборцы ПМ, АК-74, АКС-74У.

Экскурсія ў Беларускі дзяржаўны музей гісторыі Вялікай Айчыннай вайны.

У рамках рэалізацыі плана мерапрыемстваў па святкаванні 80-годдзя вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне, для вучняў 6-9 класаў была арганізавана экскурсія ў Беларускі дзяржаўны музей гісторыі Вялікай Айчыннай вайны.

У музеі сабраны ўвесь гістарычны матэрыял, рабяты азнаёміліся з экспазіцыяй музея, прысвечанай вялікаму подзвігу нашых суайчыннікаў у гады Вялікай Айчыннай вайны. Вучні даведаліся рэальныя гісторыі жыцця і барацьбы савецкага народа ў цяжкія ваенныя гады. Рабятам спадабаліся рэальныя экспанаты баявой тэхнікі, рэканструкцыі Брэсцкай крэпасці, жыцця і побыту партызан і падпольшчыкаў, стратэгічнай наступальнай аперацыі "Баграціён".

Сапраўдныя дакументы ваенных гадоў, мультымедыйныя экспанаты, асабістыя рэчы і ўзнагароды ўдзельнікаў Вялікай Айчыннай вайны – усё гэта пагрузіла ў атмасферу падзей ваеннага ліхалецця, у трагічныя гады нашай Радзімы.

Таксама рабяты азнаёміліся з серыяй карцін “Апаленыя агнём” беларускага мастака М.А. Савіцкага.  Жывапіс раскрывае глыбокі трагізм вайны, уздзейнічае выключна праз сэрца, эмоцыі і душэўнае сузіранне.

         Наведаўшы гэтае цікавае і пазнавальнае месца, дзеці яшчэ раз адчулі вялікі гонар за свой народ, які перамог у самай страшнай у гісторыі чалавецтва вайне.

29 красавіка юнакі 8-10 класаў здзейснілі прафілактычную экскурсію ў Маладзечанскі ГРАНС. Інспектар сектара прапаганды і ўзаемадзеяння з грамадскасцю Наталля Мароз пазнаёміла вучняў з прычынамі ўзнікнення пажараў і правіламі паводзін у надзвычайных сітуацыях, прапанавала паўдзельнічаць у тэставанні на веданне правіл супрацьпажарнай бяспекі на спецыяльных трэнажорах. Затым вучні пазнаёміліся з пажарнай тэхнікай і амуніцыяй выратавальнікаў-пажарных.

Экскурсія на Мінскі трактарны завод

6 сакавіка вучні 6-11 класаў здзейснілі адукацыйную экскурсію на Мінскі трактарны завод. Экскурсія пачалася з агляднай пляцоўкі, на якой выстаўлены першынцы беларускага трактарабудавання ад першага калёснага трактара МТЗ-2 да мільённага – МТЗ-82. Затым гід коратка расказаў школьнікам пра развіццё мінскага трактарнанага завода ад першых дзён да сучаснасці, вытворчыя сувязі завода з заводамі-сумежнікамі і рынкамі сбыту прадукцыі. Вучні наведалі цэх штампоўкі і цэх зборкі гатовай прадукцыі, убачылі, як за 5-6 хвілін з канвеера сыходзіць новы трактар, а за змену такіх трактароў сыходзіць 110 штук. Незабыўныя ўражанні пакінула пляцоўка, на якой выстаўлены ўзоры сучаснай тэхнікі заводаў-сумежнікаў: ад смаргонскга мотаблока да энерганасычанага трактара МТЗ-3522. Кожны жадаючы змог пасядзець у кабіне сучаснай тэхнікі. Напрыканцы экскурсіі рабяты наведалі музей працоўнай славы МТЗ, дзе кожнаму ўручылі памятны сувенір.  

Проект «Открытый киноархив. Этот день мы приближали как могли»

           В соответствии с абзацем 25 пункта 38 Плана подготовки и проведения мероприятий по празднованию 80-й годовщины освобождения Республики Беларусь от немецко-фашистских захватчиков и Победы советского народа в Великой Отечественной войне, утвержденного Указом Президента Республики Беларусь от 5 октября 2023г. №316, требуется осуществить проведение демонстраций в местах общедоступного пребывания кинодокументов из фондов архива кинофотофонодокументов в рамках проекта

«Открытый киноархив. Этот день мы приближали как могли».

Материалы размещены на видеохостинге YouTube канал БГАКФФД и по ссылке:

                               https://bgakffd.by/soczialnaya-reklama/   

        04.01.2024 учащиеся ГУО "Полочанская средняя школа Молодечненского района" посетили ОАО "Белхудожкерамика". Здесь ребята где увидели процесс производства из глины, поучаствовали в мастер-классе по лепке из глины, а также посетили музей керамики.

        В этот же день они также посетили музей воздушных таранов, где познакомились с подвигами военных лётчиков.

        Экскурсия оказалась насыщенной и интересной. У учащихся осталось много хороших впечатлений, им всё понравилось.

6 снежня вучні 7-11 класаў здзейснілі вучэбна-пазнавальную экскурсію ў дзяржаўны  мемарыяльны комплекс “Хатынь”. Экскурсія была арганізавана ў рамках выканання вучэбных праграм па гісторыі Беларусі, дапрызыўнай падрыхтоўцы, праграмы па ваенна-патрыятычным выхаванні вучняў і прысвечана “Памяці спаленых вёсак”. У ходзе экскурсіі вучні наведалі музей “Кожны трэці” з пастянна дзеючай экспазіцыяй, мемарыял спаленых вёсак, месца трагедыі і пахавання жыхароў Хатыні, помнік “Нескароны чалавек”, манументальную кампазицыю “Сцяна памяці канцлагераў”, мемарыяльную кампазіцыю “Плошча Памяці” з “Вечным агнём”. У зале “Гісторыя і сведкі” музея вучні адказалі на пытанні квэст-віктарыны “Гісторыя вёскі Хатынь”.

Чаму варта наведаць Хатынь? Хатынь – сусветны сімвал незлічоных ахвяр, пакут і мужнасці беларускага народа ў Вялікай Айчыннай вайне. Гэта адно з найбольш шанаваных месцаў у Беларусі. Гісторыя Хатыні не ўнікальная. За гады акупацыі (1941-1944) фашысты спалілі 9097 беларускіх вёсак, а 216 населеных пунктаў з іх ліку падзялілі лёс Хатыні – былі цалкам знішчаны разам з жыхарамі і не адрадзіліся пасля вайны.