Сайт Nastaunik.info - гэта грамадскі праект, створаны настаўнікамі і для настаўнікаў як пляцоўка для ўзаемадапамогі, абмену досведам, публікацыямі і педагагічнымі ідэямі.
Лічыцца, што кожны, хто далучаецца да сайта, зможа стаць мультыплікатарам новых ведаў і паўплываць на фармаванне дэмакратычнага светапогляду вучняў, пачне гуртаваць бацькоў, калегаў, працаваць дзеля пабудовы дэмакратычнага грамадства ў Беларусі.
Сайт прапануе свежыя навіны адукацыі, агляд новых тэхналогій і метадаў выкладання, распрацоўкі найлепшых беларускіх настаўнікаў і досвед калегаў з іншых краін.
Урокі, школьныя святы, пазакласныя мерапрыемствы, падручнікі і метадычныя дапаможнікі, навучальныя відэа- і аўдыясродкі – усё гэта знойдзеце ў раздзелах сайта.
Аўтары сайта запачаткавалі 2 праграмы "Актыўная ацэнка" і "Медыяадукацыя", якія сталі папулярнымі і падтрымліваюцца педагагічнай супольнасцю і Міністэрствам адукацыі Беларусі.
Кожны педагог можа стаць аўтарам сайта і мультыплікатарам новых ведаў і паўплываць на фармаванне дэмакратычнага светапогляду вучняў, працаваць дзеля пабудовы дэмакратычнага грамадства ў Беларусі.
Праект чакае матэрыялы, водгукі, ідэі і прапановы на nastaunik.info@gmail.com.
Nastaunik.info стварае актыўнага настаўніка –
актыўны настаўнік стварае Nastaunik.info!